პრეზიდენტმა ერდოღანმა „მარცვლეულის დერეფანთან“ დაკავშრებით განცხადება გააკეთა

პრეზიდენტმა რეჯეფ თაიფ ერდოღანმა განაცხადა, რომ თურქეთის წარმატება შავი ზღვის მარცვლეულის დერეფნის საკითხში ყველასათვის ნათელია.

პრეზიდენტმა ერდოღანმა ერთ-ერთ კერძო ტელევიზიების პირდაპირ ეთერში ჟურნალისტების შეკითხვებს უპასუხა და დღის წესრიგთან დაკავშირებით შეფასებები გააკეთა.

პრეზიდენტის თქმით, თურქეთის დიპლომატიაში წარმატების ყველაზე დიდი მაგალითი, რუსეთ-უკრაინის ომში შესრულებული შუამავლის როლი გახლავთ. მისივე თქმით, თურქეთი ერთადერთი ქვეყანაა, რომელიც რუსეთ-უკრაინის ომში შუამავლად არის მოხსენიებული. ერდოღანმა თქვა, რომ შავი ზღვის მარცვლეულის დერეფნის საკითხში თურქეთის წარმატება, ყველასათვის ნათელია.

„ფაქტობრივად, საუბრები, რომელიც გვქონდა, რუსეთის პრეზიდენტ ბატონ ვლადიმირ პუტინთან ყველასათვის ცნობილია. პუტინმა განაცხადა: მე მარცვლეულის გადაზიდვებზე დავთანხმდები მაგრამ, აქედან 44 პროცენტი ევროპაში მიდის. ნუ წავა ამდენი ევროპაში და წავიდეს ნაწილობრივ განვითარებულ აფრიკის ქვეყნებში. მე კი ვუთხარი: მაშინ თქვენ გამოგზავნეთ მარცვლეული და ჩვენ მას აქ ფქვილად გადავაქცევთ და აქედან გაუგზავნით აღნიშულ ქვეყნებს. ამ საკითზე შევთანხმდით. ორ-სამ დღეში გვექნება სატელეფონო საუბარი ბატონ პუტინთან. ასევე არის სასუქის საჭიროება, მათაც შევიძენთ და გავაგზავნით მსოფლიო ბაზრებზე და განუვითარებელ ქვეყნებში“, - განაცხადა პრეზიდენტმა ერდოღანმა.