თურქეთმა სომალიში მომხდარი ტერაქტი დაგმო

თურქეთმა დაგმო ტერაქტი, რომელიც სომალის ჰირანის რეგიონის ქალაქ მაჰასში მოხდა.

საგარეო საქმეთა სამინისტროს მიერ გავრცელებულ წერილობით განცხადებაში აღნიშნულია, რომ მწუხარებას გამოთქვამენ თავდასხმის შედეგად უამრავი ადამიანის დაღუპვისა და დაშავების გამო.

იქვე ნათქვამია, რომ თურქეთი გააგრძელებს სომალის გვერდში დგომას ტერორიზმთან ბრძოლაში.

„ჩვენ უმკაცრესად ვგმობთ ამ საზარელ ტერაქტს, ვუსამძიმრებთ დაღუპულების ახლობლებს, მეგობარ და მოძმე სომალის ხალხს და მთავრობას და დაშავებულებს მალე გამოჯანმრთელებას ვუსურვებთ“. - აღნიშნულია განცხადებაში.

ასევე ნათქვამია, რომ რამდენიმე დაშავებულის მკურნალობა მოგადიშოს რეჯეფ თაიფ ერდოღანის სახელობის სასწავლო და კვლევით საავადმყოფოში გრძელდება.