ძლიერი მიწისძვრა დუზჯეში

თურქეთის ქალაქ დუზჯეში 5,9 მაგნიტუდის სიმძლავრის მიწისძვრა მოხდა. შედეგად ბოლო მონაცემებით 50 ადამიანი დაშავდა. მიწისძვრა ადგილობრივი დროით, 04:08 საათზე მოხდა. დაშავებულთაგან ერთის მდგომარეობა მძიმეა. მიწისძვრის ბიძგები იგრძნობოდა მიმდებარე პროვინციებში, განსაკუთრებით სტამბოლსა და დედაქალაქ ანკარაში.

დუზჯეს გუბერნატორმა ჯევდეთ ათაიმ განაცხადა, რომ უსაფრთხოების მიზნით დღეს ქალაქში სასწავლო პროცესი გადაიდო.