პრეზიდენტმა ერდოღანმა სატელეფონო საუბარი გამართა ისრაელის პრემიერ-მინისტრთან

პრეზიდენტმა რეჯეფ თაიფ ერდოღანმა სატელეფონო საუბარი გამართა ისრაელის პრემიერ-მინისტრ იაირ ლაპიდთან.

პრეზიდენტის კომუნიკაციების დირექტორატის განცხადებით, საუბრის დროს თურქეთ-ისრაელის ურთიერთობები და რეგიონული საკითხები განიხილეს.

პრეზიდენტმა ერდოღანმა კმაყოფილება გამოთქვა ორმხრივი ურთიერთობების, ისრაელის პრეზიდენტის ისააკ ჰერცოგისა და ისრაელის პრემიერ-მინისტრის იაირ ლაპიდის თურქეთში გასულ თვეებში ვიზიტების დროს შეხვედრებზე მიღწეული შეთანხმებების ფარგლებში პროგრესის გამო.

პრეზიდენტი ერდოღანი შეეხო გუშინ გამოცხადებულ გადაწყვეტილებას "ელჩების დანიშვნის" შესახებ და განაცხადა, რომ ისინი ახალი ელჩის დასანიშნად საჭირო ნაბიჯებს რაც შეიძლება მალე გადადგამენ.

პრეზიდენტმა ასევე აღნიშნა, რომ მხარს უჭერს თურქეთსა და ისრაელს შორის თანამშრომლობისა და დიალოგის განვითარებას მდგრად და ურთიერთსენსიტიურობის პატივისცემის საფუძველზე.