თურქეთში წყალდიდობის შედეგად დაღუპულთა რიცხვი გაიზარდა

თურქეთის ჩრდილოეთ პროვინციებში კერძოდ კი ბართინში, სინოპში და ქასთამონუში ძლიერი წვიმებით გამოწვეული წყალდიდობის შედეგად დაღუპულთა რიცხვი 71-მდე გაიზარდა. 

კატასტროფებისა და საგანგებო სიტუაციების სამმართველოს (AFAD) მიერ გავრცელებული ინფორმაციის თანახმად, წყალდიდობის შედეგად ქასთამონუში 60, სინოპში 10, ხოლო ბართინში 1 ადამიანი დაიღუპა. ამავე ინფორმაციით, 3 პროვინციებში სამძებრო სამაშველო სამუშაოები ჯერ კიდევ გრძელდება.