თურქეთში კოვიდ-19-ის შედეგად  გარდაცვლილთა  რიცხვი    ერთ დღეში 98 ადამიანით გაიზარდა

თურქეთში ახალი ტიპის კორონავირუსით (კოვიდ-19) გარდაცვლილთა რიცხვი 1006-მდე გაიზარდა. აღნიშნულის შესახებ,  ჯანდაცვის მინისტრმა ფაჰრეთთინ ქოჯამ სოციალურ ქსელ,  Twitter-ით გაავრცელა.

„ბოლო 24 საათში 30 864  ტესტის პასუხი მივიღეთ. დადასტურდა ახალი 4747 შემთხვევა. ყველა მცდელობის მიუხედავდ კიდევ 98 პაციენტი დაიღუპა. ბოლო მონაცემებით,  ქვეყანაში კოვიდ-19-ით დაინფიცირებულთა რიცხვი  47 029-მდე გაიზარდა. ასევე უნდა აღინიშნოს, რომ ამ დროისათვის კოვიდ-19-ით დაინფიცირებული 2423 პაციენტი გამოჯანმრთელდა“,  ნათქვამია  ჯანდაცვის მინისტრის მიერ გავრცელებულ განცხადებაში.