თურქეთმა უკრაინასა და ირანს სამძიმარი გამოუცხადა

თურქეთმა, უკრაინის ავიახაზების კუთვნილი თვითმფრინავის ირანში ჩამოვარდნის გამო უკრაინის და ირანის მოსახლეობებს და მთავრობებს სამძიმარი გამოუცხადა.

საგარეო საქმეთა სამინისტროს განცხადებაში ნათქვამია, რომ თვითმფრინავი რომელიც თეირანი-კიევის რეისს ასრულებდა, აფრენიდან მალევე ჩამოვარდა და თვითმფრინავში მყოფი ყველა მგზავრი და ეკიპაჟის წევრი დაიღუპა.

„მეგობარ უკრაინელ და ირანელ ხალხს და მთავრობას ღრმა სამძიმარს ვუცხადებთ, ვუსამძიმრებთ დაღუპულების ოჯახებს და ახლობლებს.“-ნათქვამია განცხადებაში.

გავრცელებული ინფორმაციის თანახმად, თეირანის იმამ ჰომეინის საერთაშორისო აეროპორტიდან აფრენილი Boeing 737 ტიპის სამგზავრო თვითმფრინავი, რომელიც უკრაინის დედაქალაქ კიევში მიფრინავდა, აფრენიდან მალევე ადგილობრივი დროით 06.18 საათზე ტექნიკური გაუმართაობის გამო ჩამოვარდა.

თვითმფრინავში მყოფი ყველს მგზავრი და ეკიპაჟის წევრი, მთლიანობაში 176 ადამიანი, დაიღუპა.