თურქეთი ამერიკას შეცდომიდან დაბრუნებისკენ მოუწოდებს

თურქეთმა, ამერიკის შეერთებულ შტატებს მოუწოდა, F-35-თან დაკავშრებით გადადგმული არასამართლიანი ნაბიჯიდან უკან დაბრუნდეს რათა, ორ ქვეყანას შორის ურთიერთობას ზიანი არ მიადგეს. საგარეო საქმეთა სამინისტრომ, აშშ-ს მთავრობის მხრიდან თურქეთის,  ამერიკული გამანადგურებლის F-35-ის წარმოების პროგრამაში მონაწილეობიდან გაყვანის თაობაზე მიღებული გადაწყვეტილების შესახებ განცხადება გაავრცელა, რომელშიც ნათქვამია: „ჩვენ, შეერთებულ შტატებს  მოვუწოდებთ დაბრუნდეს ამ შეცდომიდან, რაც  ჩვენს სტრატეგიულ ურთიერთობებში გამოუსწორებელ ჭრილობებს გამოიწვევს. ეს ცალმხრივი გადაწყვეტილება მოკავშირეობის სულისკვეთებას არ შეესაბამება, რომელსაც არანაირი სამართლებრივი დასაყრდენი არ გააჩნია. F-35-ის წარმოების პროგრამიდან მთავარი მოკავშირის გაყვანა, არასამართლიანი ქმედებაა. რაც შეეხება  S-400-ების სისტემის, F-35-ებზე დაკავშირება, ყველამ კარგად უნდა იცოდეს, რომ ის არ შეჩერდება. აშშ-თურქეთს შორის მეგობრული ურთიერთობა მხოლოდ განცხადებებით არ უნდა შემოიფარგლებოდეს, არამედ პრაქტიკაშიც უნდა განხორციელდეს. განსაკუთრებით  კი ტერ ორგანიზაცია, DEAŞ-ის, PKK/PYD/YPG-ს  და  FETÖ-ს წინაშე ბრძოლაში უნდა აისახებოდეს. ასევე უნდა აღინიშნოს, რომ ამერიკის მთავრობის  ეს გადაწყვეტილება, ჩვენი პრეზიდენტის რეჯეფ თაიფ ერდოღანის და მისი ამერიკელი კოლეგა,  დონალდ ტრამპის G-20-ის სამიტის ფარგლებში გამართულ შეხვედრის სულისკვეთებასაც არ შეესაბამება.“ შეგახსენებთ, რომ ამერიკის მთავრობამ  გუშინ გაკეთებულ განცხადებაში აღნიშნა, რომ თურქეთი,  რუსეთისგან საზენიტო-სარაკეტო  კომპლექს S-400-ის შეძენის გამო,    უახლესი ამერიკული გამანადგურებლის F-35-ის წარმოების პროგრამაში მონაწილეობას არ მიიღებს.