თურქეთში ვადამდელი არჩევნები დაინიშნა

თურქეთის პრეზიდენტმა რეჯეფ თაიფ ერდოღანმა  საპრეზიდენტო და საპარლამენტო ვადამდელი არჩევნების თარიღად მიმდინარე წლის 24 ივნისი დაასახელა. ერდოღანმა ვადამდელი არჩევნების დასახელებამდე ოპოზიციური პარტიიდან „ნაციონალისტური მოძრაობის პარტიის“ ლიდერს დევლეთ ბაჰჩელის შეხვდა. „თურქეთი16 აპრილის ჩატარებული რეფერენდუმის მიუხედავად, წინა სისტემით იმართება რაც გარკვეულ პრობლემებს ქმნის.  ჩვენი სურვილი იყო, რომ არჩევნები დათქმულ დროს  ჩაგვეტარებინა, მაგრამ სირიაში და ერაყში  განვითარებული მოვლენებიდან გამომდინარე  მივიღეთ გადაწყვეტილება, რომ პოლიტიკური გაურკვევლობიდან გამოსვლის მიზნით ვადამდელ არჩევნებზე წავსულიყავით“, განაცხადა ერდოღანმა.