იუსტიციის მინისტრი იოზგათშია

რამაზან ბაირამობის მიზნით თავის სამშობლო იოზგათში ჩასულმა თურქეთის იუსტიციის მინისტრმა ბექირ ბოზდაღმა ადგილობრივ მოსახლეობასთან შეხვედრაზე განაცხადა, რომ თურქი ძალოვანები ანტიტერორისტულ ბრძოლას ტერორისტების სრულ განადგურებამდის გააგრძელებენ და საბოლოოდ და სამუდამოდ ამოძირკვავენ მათ ფესვებს.

“მავან მავანებს ტერორისტების ხელით სურთ თურქეთის დამორჩილება და მუხლებზე დაჩოქება, ათასგვარ სხვა ხაფანგებსაც უდებენ, ორმაგი სტანდარტებითაც ექცევიან, მაგრამ, როგორც აქამდე ვერ განხორციელდა თურქეთის მტრების ეს სურვილი, ამის შემდეგაც ვერ შესრულდება და კვლავ კოვზი ნაცარში ჩაუვარდებათ“, განაცხადა ბოზდაღმა და დაამატა, რომ თურქეთს გააჩნია ის პოტენციალი და ძალა, რათა სრულიად გაანადგუროს ტერორიზმი და ქვეყნის ყველა წერტილი უსაფრთხო გახდეს