სტამბოლში ახალი წლის ღამეს ღამის კლუბზე თავდასხმის განმხორციელებელი ტერორისტის ვინაობა ცნობილია

სტამბოლში, ორთაქოიში ახალი წლის ღამეს ღამის კლუბზე თავდასხმის განმხორციელებელი ტერორისტის ვინაობა ცნობილია.

განცხადება საინფორმაციო სააგენტო „ანადოლუ“-ში გააკეთა საგარეო საქმეთა მინისტრმა მევლუდ ჩავუშოღლუმ.

ჩავუშოღლუს განცხადებით, თავდამსხმელის ვინაობა დადგენილია და კავშირების გამოსავლენად მუშაობა მიმდინარეობს.

ამავდროულად, თავდასხმასთან კავშირში ეჭვმიტანილთა წინააღმდეგ იზმირში ჩატარებული ოპერაციის დროს DEAŞ-ის წევრობაში ეჭვმიტანილი 20 პიროვნება დააკავეს.

ბორნოვასა და ბუჯას დაბებში სპეცრაზმის დახმარებით ღამის საათებში ოთხ მისამართზე ჩატარებული ოპერაციის დროს დაღესტანის, აღმოსავლეთ თურქესტანის და სირიის მოქალაქე 20 ეჭვმიტანილი, მათ შორის 11 ქალი დააკავეს.

ეჭვმიტანილთა საცხოვრებლებში ჩატარებული ჩხრეკის შედეგად სნაიპერული მოწყობილობა და ღამის ხედვის დურბინდი, სამხედრო ქამარი, სამხედრო ზურგჩანთა, გლობალური ადგილმდებარეობის განმსაზღვრელი სისტემა GPS და სხვა სამხედრო ნივთები აღმოაჩინეს.

ვრცელდება ვარაუდი, რომ ეჭვმიტანილების ორთაქოის ტერაქტში ეჭვმიტანილთა ერთად კონიაში ერთ საიდუმლო სახლში ცხოვრობდნენ.

გავრცელებული ინფორმაციის თანახმად ეჭვმიტანილთა ჩვენების საფუძველზე შესაძლოა კიდევ მოხდეს დაპატიმრებები.