დღეს მმართველი პარტიის საგანგებო ყრილობა ტარდება
მასზე არჩეულ იქნება პარტიის ახალი ლიდერი
დღეს ანკარის არენა სპორტის სასახლეში თურქეთის მმართველი სამართლიანობისა და განვითარების პარტიის, AK Parti-ს მეორე საგანგებო ყრილობა გაიმართება, რომელზედაც პარტიის ახალი გენერალური თავჯდომარე იქნება არჩეული და პრეზიდენტი სწორედ მას დაავალებს ახალი მთავრობის შექმნას.
ყრილობის მოწვევა მას შემდეგ გახდა აუცილებელი, რაც 5 მაისს პრეზიდენტს პარტიის ლიდერობიდან და პრემიერმინისტრობიდან გადადგომის განცხადებით მიმართა აჰმეტ დავუთოღლუმ.
ყრილობაზე მიწვეულნი არიან მრავალი ქვეყნის ლიდერები და პოლიტიკოსებიც, ხოლო საერთოდ კი 50 ათასამდე კაცი მიიღებს მონაწილეობას ამ ყრილობაში.
გუშინწინ პარტიის ახალი ლიდერის კანდიდატად ტრანსპორტისა და კავშირგაბმულობის მინისტრი ბინალი ილდირიმი დასახელდა.
თუ დღეს კენჭისყრაზე, რომელიც დაახლოებით 16:00 საათზე გაიმართება, 470 დელეგატიდან უმრავლესობის ხმას მოიპოვებს, იგი გახდება პარტიის ახალი ლიდერიც და პრემიერიც რა, იგი შექმნის ახალ კაბინეტსაც, ხოლო ამის პარალელურად პარტიის ცენტრალური და აღმასრულებელი კომიტეტების შემადგენლობაც განახლდება
მსგავსი ინფორმაციები
პრეზიდენტმა ერდოღანმა და მიცოტაკისმა ერთობლივი პრესკონფერენცია გამართეს
პრეზიდენტმა ერდოღანმა და მიცოტაკისმა ერთობლივი პრესკონფერენცია გამართეს
ავსტრიის საგარეო საქმეთა მინისტრი ალექსანდრ შალენბერგი დღეს თურქეთს ეწვევა
ავსტრიის საგარეო საქმეთა მინისტრი ალექსანდრ შალენბერგი დღეს თურქეთს ეწვევა