დღეს კოალიციის მოლაპარაკებები იწყება

თურქეთის პრემიერმინისტრი აჰმედ დავუთოღლუ სტამბოლში სამართლიანობისა და განვითარების პარტიის იფთარს დაესწრო. დავუთოღლუმ სიტყვით გამოსვლისას მოსალოდნელ კოალიციის მთავრობის შესახებ ისაუბრა. მან განაცხადა, რომ კოალიციური მთავრობის ჩამოსაყალიბებლად დღეს პარლამენტში მოხვედრილ პარტიების წარმომადგენლებთან მოლაპარაკებების დაწყებას აპირებს და მას სურს, რომ დროზე მოხდეს კოალიციის ჩამოყალიბება. ”თურქეთის მეზობელი რეგიონები ცეცხლში არიან გახვეულნი და მშვიდობა თუ რას ნიშნავს, ეს ყველაზე მეტად ჩვენ ვიცით, ამიტომაც ახლა თუ სწორ და საჭირო ნაბიჯს არ გადავდგამთ, მაშინ, ამან ჩვენ ერთი წელი კი არა, შეიძლება ერთი საუკუნე დაგვაკარგინოს”, განაცხადა დავუთოღლუმ და დასძინა, რომ კოალიციის მთავრობის დროულად ჩამოყალიბება აუცილებელია.