თურქეთის ფეხბურთის ეროვნული ნაკრები ევროპის ჩემპიონატზე იასპარეზებს

თურქეთის ფეხბურთის ეროვნულმა ნაკრებმა, რომელიც D ჯგუფში ასპარეზობს, EURO 2024-ის საკვალიფიკაციო ეტაპის მეშვიდე შეხვედრა გუშინ, ლატვიასთან გამართა.

ქალაქ კონიაში გამართული შეხვედრა, თურქების გამარჯვებით 4-0 დასრულდა.

ამ გამარჯვებით თურქეთმა ჯგუფში 16 ქულა მოაგროვა და ლიდერის პოზიციის შენარჩუნებასთან ერთად, EURO 2024-ში მონაწილეობის უფლებაც მოიპოვა.

თავის მხრივ, თურქეთის ეროვნულ ნაკრებს როგორც გუშინდელი გამარჯვება, ასევე EURO 2024-ში მონაწილეობის მოპოვება, პრეზიდენტმა ერდოღანმა მიულოცა.