ალიევი ერდოღანთან ურთიერთობებზე საუბრობს

აზერბაიჯანის პრეზიდენტმა ილჰამ ალიევმა განაცხადა, რომ პირველი პირი, რომელსაც დაურეკავს ნებისმიერ სერიოზულ საკითხზე, რომელსაც მისი ქვეყანა შეხვდება, იქნება თურქეთის პრეზიდენტი რეჯეფ თაიფ ერდოღანი.

ილჰამ ალიევმა ადგილობრივ ტელევიზიებთან მიმდინარე მოვლენებთან დაკავშირებით შეფასებები გააკეთა.

ალიევმა საუბრისას სატელეფონო ზარებზე ისაუბრა და აღნიშნა, რომ როდესაც მე-2 ყარაბაღის ომი მიმდინარეობდა (2020 წლის 27 სექტემბერი - 10 ნოემბერი), ყველაზე მეტი შეხვედრა და სატელეფონო საუბარი თურქეთის პრეზიდენტ რეჯეფ თაიფ ერდოღანთან და რუსეთის პრეზიდენტ ვლადიმერ პუტინთან გამართა.

„პოლიტიკური და მორალური მხარდაჭერა, რომელიც მან (ერდოღანი) აზერბაიჯანს გაუწია, იყო მესიჯი ზოგიერთისთვის. ეს იყო არა მხოლოდ სოლიდარობის გზავნილი აზერბაიჯანელი ხალხის მიმართ, არამედ „არ ჩაერიოთ“ მათთვის, ვისაც ომში ჩარევა სურდა. აზერბაიჯანელი ხალხი ამას არასოდეს დაივიწყებს. შუშას ოკუპაციისგან გათავისუფლების შემდეგ ერდოღანი იყო პირველი ლიდერი, რომელმაც ეს გამარჯვება მოგვილოცა. თუ დღესაც რაიმე სერიოზული საკითხი იქნება ჩვენს ქვეყანასთან დაკავშირებით, რა თქმა უნდა, პირველი, ვისაც დავურეკავ და ვაცნობებ, იქნება ჩემი ძმა რეჯეფ თაიფ ერდოღანი“, განაცხადა ილჰამ ალიევმა.