ბაქომ სომხეთში, თურქეთისა და აზერბაიჯანის დროშების დაწვა მკაცრად დაგმო

აზერბაიჯანმა სომხეთში თურქეთისა და აზერბაიჯანის დროშების დაწვა მკაცრად დაგმო. აზერბაიჯანის საგარეო საქმეთა სამინისტროს პრესსპიკერი აიჰან ჰაჯიზადე სოციალურ ქსელ, Twitter-ის თავის პოსტში ერევანში 1915 წლის მოვლენების წლისთავთან დაკავშირებით გამართულ აქციაზე თურქეთისა და აზერბაიჯანის დროშების დაწვას გამოეხმაურა.

„მკაცრად ვგმობთ ამ ფაქტს. სომხეთის მთავრობამ და პრემიერ-მინისტრმა ნიკოლ ფაშინიანმა უნდა მიიღონ სასწრაფო ზომები სიძულვილის დანაშაულებისა და ქსენოფობიის თავიდან ასაცილებლად“, აცხადებს აიჰან ჰაჯიზადე სოციალური ქსელის მეშვეობით გავრცელებულ განცხადებაში.