თურქეთი სომხეთთან ნორმალიზაციის ნაბიჯების გადადგმისთვის ემზადება

თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ სომხეთთან ნორმალიზაციის ნაბიჯების გადადგმისთვის ემზადებიან რა, ამის ფარგლებში ორმხრივი სპეციალური წარმომადგენლების დანიშვნას გეგმავენ. მევლუთ ჩავუშოღლუმ გუშინ, თურქეთის დიდი ეროვნული მეჯლისი გენერალურ ასამბლეაზე თავისი სამინისტროს ბიუჯეტის შესახებ გამოსვლაში საერთაშორისო ურთიერთობების შესახებ ინფორმაცია მიაწოდა. ჩავუშოღლუმ აღნიშნა, რომ ისინი ინტენსიურ დიპლომატიურ ძალისხმევას ახორციელებენ აზერბაიჯანთან, რეგიონული მშვიდობისა და კეთილდღეობის დასამყარებლად კავკასიაში.

„ჩვენ კონსულტაციებს ვუწევთ აზერბაიჯანს, მალე დავნიშნავთ სპეციალურ წარმომადგენლებს სომხეთთან ნორმალიზაციის ნაბიჯებისთვის და აზერბაიჯანთან ერთად ვიმოქმედებთ ყოველ ნაბიჯზე. ასევე, უახლოეს პერიოდში დავიწყებთ ჩარტერულ ფრენებს ერევანსა და სტამბულს შორის“, განაცხადა თურქეთის საგარეო უწყების ხელმძღვანელმა.