ძლიერი მიწისძვრა ეგეოსის ზღვაში

თურქეთის კატასტროფებისა და საგანგებო სიტუაციების სამმართველოს (AFAD) მიერ გავრცელებული ინფორმაციის თანახმად, ეგეოსის ზღვაში 5,7 მაგნიტუდის სიმძლავრის მიწისძვრა მოხდა. ამავე ინფორმაციით, მიწისძვრა, რომელიც დედამიწის ზედაპირიდან 9,62 კილომეტრის სიღრმეზე დაფიქსირდა, თურქეთის დროით 09:17 საათზე მოხდა.

ათენის გეოდინამიკური ინსტიტუტის განცხადებაში კი ნათქვამია, რომ მიწისძვრა 5,8 მაგნიტუდას შეადგენდა. ხოლო, ხმელთაშუა ზღვის სეისმოლოგიურმა ცენტრმა მიწისძვრის სიმძლავრე 6,5 მაგნიტუდად შეაფასა.