ათენი შეიარაღების ხარჯებს ზრდის

საბერძნეთმა, 2021 წლის თავდაცვის ბიუჯეტში შეიარაღების წილი, მიმდინარე წელთან შედარებით 5-ჯერ გაზარდა და 2.5 მილიარდი ევრო გახადა, რაც ხმის უმრავლესობით დამტკიცდა პარლამენტის კენჭისყრაზეც. მთლიანობაში ქვეყნის თავდაცვის ბიუჯეტი მომავალი წლისათვის 5,49 მილიარდ ევრომდე გაიზარდა, ხოლო თავდაცვის ბიუჯეტში შეიარაღების ხარჯებისთვის გამოყოფილი წილი კი, 2,5 მილიარდ ევრომდე გაიზარდა. ათენის ადმინისტრაციამ განაცხადა, რომ მომდევნო 10 წლის განმავლობაში 10 მილიარდ დოლარს დახარჯავს შეიარაღებაზე.