სომხეთმა  ბაქო-თბილისი-ჯეიჰანის ნავთობსადენზე სარაკეტო თავდასხმა განახორციელა

აზერბაიჯანის მთავარი პროკურატურიდან გავრცელებული ინფორმაციის თანახმად, სომხეთის შეიარაღებულმა ძალებმა,  ბაქო-თბილისი-ჯეიჰანის ნავთობსადენზე სარაკეტო თავდასხმა განახორციელეს. უწყების განცხადებაში ნათქვამია,  რომ სარაკეტო დარტყმები დაახლოებით 21:00 საათზე განხორციელდა ნავთობსადენის იმ ტერიტორიაზე, რომელიც ევლახის რაიონში გადის. მათივე ინფორმაციით, თავდასხმა აზერბაიჯანის შეიარაღებული ძალების მხრიდან იქნა აღკვეთილი.

ცნობისათვის, ბაქო-თბილისი-ჯეიჰანის ნავთობსადენი ევროპის ენერგო უსაფრთხოებისთვის სტრატეგიული მნიშვნელობისაა და შესაძლოა სომხეთის მხრიდან ჩადენილ ამ საქციელს  „ტერორისტული ქმედების“ კვალიფიკაცია მიენიჭოს.