თვითმფრინავი, რომელსაც  საქართველოს მოქალაქეებიც გადმოჰყავს უხანი დატოვა

თურქეთის სამხედრო თვითმფრინავი, რომლითაც,  თურქ მოქალაქეებთან ერთად საქართველოს, აზერბაიჯანის და ერთი ალბანეთის  მოქალაქეების ჩინეთიდან ევაკუაციას ახორციელებს, ქალაქი უხანი უკვე დატოვა და ანკარისკენ მიემართება. თურქეთის ჯანდაცვის სამინისტროს ინფორმაციით, თვითმფრინავს ჩინეთის ქალაქ უხანიდან 48 ადამიანის ევაკუაცია უნდა განეხორციელებინა, თუმცა 6 პირმა უხანის დატოვებაზე უარი განაცხადა. ყველა მგზავრი, რომელიც ამჟამად ბორტზე იმყოფება, ასვლამდე სამედიცინო ექსპერტების ჯგუფმა საფუძვიანად შეამოწმა. თურქეთში ჩასვლისთანავე ისინი თურქეთის  საავადმყოფოში, საკარანტინო პირობებში 14 დღის მანძილზე გაჩერდებიან.