აქარმა ინტერვიუ მისცა TRT-World-ს
“ბუფერულ ზონაში ქურთი სეპარატისტები არ უნდა იმყოფებოდნენ“
მიუნხენის უსაფრთხოების კონფერენციაზე მყოფმა თურქეთის ეროვნული თავდაცვის მინისტრმა ჰულუსი აქარმა, თურქეთის ტელე-რადიო მაუწყებლობა თრტ-ს ინგლისურენოვან ტელეარხ TRT-World-ს ექსკლუზიური ინტერვიუ მისცა და თქვა, რომ სირიაში, კონკრეტულად კი ევფრატის აღმოსავლეთში შესაქმნელ ბუფერულ ზონაში არ უნდა იმყოფებოდეს ქურთული სეპარატისტული ტერ ორგანიზაცია YPG/PKK-ს ფორმირებები, წინააღმდეგ შემთხვევაში ანკარა ვერ დაიცავს როგორც თავისი საზღვრების, ასევე თავისი მოსახლეობის უსაფრთხოებას.
“მსოფლიოს არც ერთი სახელმწიფო არ ისურვებს, რომ მის საზღვრებზე განლაგებულნი იყვნენ ისეთი ტერ ორგანიზაციები, როგორებიც არიან ქურთული YPG/PKK-ა, ანდა დეაში, ამიტომაც, თურქეთიც თავისი საზღვრების მათგან განთავისუფლებას ისახავს მიზნად“, ხაზგასმით აღნიშნა აქარმა.
მისივე თქმით, თურქეთის შეიარაღებული ძალების მიერ სირიის ჩრდილოეთში განხორციელებული “ევფრატის ფარის“ სახელწოდების ანტიტერორისტული ბრძოლის დროს ლიკვიდირება გაუკეთეს 3 ათასამდე დეაშელს და ამ ტერიტორიების განთავისუფლების შემდეგ საკუთარ კერებს დაუბრუნდა 300 ათასამდე სირიელი ლტოლვილი.
თავდაცვის მინისტრი თურქეთ-ნატოს ურთიერთობებსაც შეეხო და განაცხადა: "ჩვენ ნატოს წევრი სახელმწიფო ვართ და მის ფარგლებში აღებულ ვალდებულებებს წინანდელივით პირნათლად ვასრულებთ რა, ამ მხრივ რაიმე ცვლილებას ჩვენს პოზიციაში არ აქვს ადგილი“
მსგავსი ინფორმაციები
სომხური ეკლესიის მიერ ორგანიზებულ აქციაზე ფაშინიანის გადადგომა მოითხოვეს
სომხური ეკლესიის მიერ ორგანიზებულ აქციაზე ფაშინიანის გადადგომა მოითხოვეს