რუსეთი სომხეთში ახალი იარაღის გადაზიდვას მიმდინარე წელს დაიწყებს

რუსეთის საბრძოლო-ტექნიკური თანამშრომლობის ხელმძღვანელის თანაშემწის,  ვლადიმერ დროჟოვის განცხადებით, მოსკოვი სომხეთში ახალი საბრძოლო იარაღის გადაზიდვას მიმდინარე წელს დაიწყებს. მან ამის შესახებ, სომხეთის დედაქალაქ ერევანში მიმდინარე,  შეიარაღების და თავდაცვითი ტექნოლოგიების საერთაშორისო გამოფენა “ArmHiTec–2018”-ში მონაწილეობის დროს პრესისათვის მიცემულ ინტერვიუში განაცხადა. რუსეთსა და სომხეთს შორის გასული წლის 24 ოქტომბერს მთავრობათაშორისი სესხის შესახებ შეთანხმებას მოეწერა ხელი, რომლის მიხედვითაც რუსეთმა, სომხეთში განთავსებულ რუსულ ბაზაზე სამხედრო ტექნიკის გადასაზიდად 100 მილიონი დოლარის კრედიტი უნდა გამოყოს.