გეოგრაფიული აღნიშვნის მქონე თურქული პროდუქციები 14-2024

გეოგრაფიული აღნიშვნის მქონე თურქული პროდუქციები 14-2024        

ილქერ თაშქინ

„ჩაქუჩიანი ურემი“

რეგისტრაციის თარიღი: 03.08.2023

ქალაქ ჩორუმის ისკილიპის რაიონი, რომელიც თურქეთის ცენტრალური ანატოლიის რეგიონში და ხეთების იმპერიის ისტორიული დედაქალაქის ხათუსას (Hattuşaş) საზღვრებში მდებარეობს, მასპინძლობს ძალიან საინტერესო და ორიგინალურ სათამაშოს წარმოებას, „ჩაქუჩიანი ურემი“. 2023 წელს, „ჩაქუჩიანი ურემი“, ისკილიპლის მუნიციპალიტეტის განცხადების საფუძველზე, გეოგრაფიული აღნიშვნის მქონე თურქული პროდუქციების სიაში იქნა შეტანილი. აღნიშნული სათამაშოს დამზადებას, აქვს ძალიან მარტივი სამუშაო მექანიზმი. ჩაქუჩიანი ურემის ისტორია თითქმის ასი წლით თარიღდება. ამბობენ, რომ ეს სათამაშო პირველად ერთ-ერთმა მოქალაქემ, ჰასან ჩავუშმა დაამზადა და სათამაშოს წარმოშობის მიზეზი იყო ქალები, რომლებიც ქვის ხელსაწყოზე ბულგურს აყრიდნენ და რიგრიგობით ურტყამდნენ მას. მის დასამზადებლად გამოიყენება ფიჭვის და ალვის ხეები. სათამაშოს ძირითადი ნაწილი, რომელსაც აქვს ოთხი ბორბალი და ოთხი სახელური, არის ბრტყელი ნაწილი სახელწოდებით „ფეხი“. ჩაქუჩიანი ურმის თავისებურება ის არის, რომ ბორბლების მოძრაობისას ჩაქუჩი ფეხის ნაწილს ურტყამს და ხმას გამოსცემს. სათამაშოზე გამოყენებული საღებავებიც ძალიან განსაკუთრებულია. საღებავები, რომლებშიც უპირატესად გამოიყენება წითელი, ყვითელი, ლურჯი, შავი და მწვანე ფერები, მიიღება ქსოვილის საღებავის ფიჭვის ფისისა და ცხელი წყლის შერევით. საღებავი, რომელიც ფისის ზემოქმედებით მყარდება და ყალიბად იქცევა, ხორხის ჩართვის ურმის ნაწილებზე დატანით იღებება. როდესაც შეღებვის პროცესი დასრულებულია, ჩაქუჩიანი ურემი პრიალდება ალვის ხის ქერქის შიდა ზედაპირით, რათა მისი ფერები უფრო ცხადი გახდეს.