გეოგრაფიული აღნიშვნის მქონე თურქული პროდუქციები 44-2023

გეოგრაფიული აღნიშვნის მქონე თურქული პროდუქციები 44-2023        

ილქერ თაშქინ

ქაჰრამანმარაშის მოჩუქურთმებული სკივრი

თურქეთის ხმელთაშუა ზღვის რეგიონის, აღმოსავლეთ ანატოლიის კარიბჭედ მიჩნეული ქალაქი ქაჰრამანმარაში, არის დასახლება, რომელიც შეიცავს თურქი ხალხის მომთაბარე კულტურის კვალს, რომელიც ასობით წლით თარიღდება. ამ კულტურის ყველაზე მნიშვნელოვანი ელემენტი გახლავთ ოჯახის ინსტიტუტი და საქორწილო ტრადიცია. საქორწილო ცერემონიის ერთ-ერთი უმნიშვნელოვანესი ელემენტია იმ სკივრის გადაზიდვა და გამოფენა, რომელიც გოგონებს მამის სახლიდან მიაქვთ და მას „მზითევს“ უწოდებდნენ. მოჩუქურთმებული მზითვის ყუთები, რომლებიც წარმოებულია ქაჰრამანმარაში და გამოიყენება მრავალი წლის განმავლობაში, რეგიონების მიხედვით მოჩუქურთმების თვალსაზრისით განსხვავდება. „ქაჰრამანმარაშის მოჩუქურთმებული კაკლის ხისგან დამზადებული სკივრი“, 2017 წელს ქალაქის მუნიციპალიტეტის განცხადების საფუძველზე, გეოგრაფიული აღნიშვნის მქონე თურქული პროდუქციების სიაში იქნა შეტანილი. კაკლის ხეს ჯერ აშრობენ, რომ არ იყოს ნესტიანი. სკივრი იწარმოება 4, 6 ან 8 კუთხით, ზოგადად ფართო და მაღალი ზომებით. მზითვის სკივრის მოჩუქურთმებული მოტივები, მოიცავს ისტორიულ ფიგურებს და მცენარეთა სახეობებს.