იცით თუ არა, რომ? 34-2021

იცით თუ არა, რომ? 87-(34)-2021

"ფსიქიატრიის ისტორიის მუზეუმი"

იცით თუ არა, რომ ედირნეში ფუნქციონირებს "ფსიქიატრიის ისტორიის მუზეუმი"?

მუსიკით თერაპია არ იყო ოსმალეთის თურქი ფსიქიატრების გამოგონება. თუმცა, ოსმალეთის თურქმა ფსიქიატრებმა, რომლებმაც მაღალ დონეს მიაღწიეს ფსიქიატრიის სფეროში თავიანთი მეცნიერული კვლევებით თანამედროვეებთან შედარებით, დიდი გზა გაიარეს მუსიკით მკურნალობის საკითხში. სულთან ბაიაზიდ II-ის ბრძანებით ედრნეში 1488 წელს აგებული კომპლექსის ფსიქიატრიული საავადმყოფოს განყოფილებაში პაციენტებს მუსიკით მკურნალობა სურდათ. მთავარი ექიმი, რომელსაც ჰქონდა საკმარისი ცოდნა და გამოცდილება ადამიანზე მუსიკის დადებითი გავლენის შესახებ, პირველ რიგში მის პაციენტებს სხვადასხვა მუსიკას ასმენინებდა, ამოწმებდა მათ გულისცემას, განსაზღვრავდა მათთვის სასარგებლო მელოდიას და ერთად კრებდა მსგავსი ჩივილების და დაავადებების მქონე პაციენტებს.

"მუსიკალური თერაპია", რომელიც ოსმალეთის თურქმა ფსიქიატრებმა მეცნიერულად და წარმატებით გამოიყენეს, დღევანდელ თანამედროვე ფსიქიატრიაში ინოვაციად არის ნაჩვენები და მასზე კვლევები ტარდება. თურქეთის ფსიქიატრიის ისტორიის მუზეუმი გაიხსნა ედირნეში სულთან ბაიაზიდ II-ის კომპლექსის საავადმყოფოს განყოფილებაში საუკუნეების წინ გამოყენებული პრაქტიკის საჩვენებლად. მუზეუმში გამოფენილია საავადმყოფოს ორიგინალურ გარემოში და იმ პერიოდისთვის შესაფერისი დეკორით და კოსტიუმებით მთავარი ექიმის, თანაშემწეების, პაციენტების, მუსიკოსების და მომვლელთა მანეკენები და გაფორმებულია სინათლისა და ხმის ეფექტებით.