პოლონეთ დააწესებს შეზღუდვებს რუსი დიპლომატების გადაადგილებაზე ქვეყნის შიგნით

პოლონეთმა გამოაცხადა, რომ დააწესებს შეზღუდვებს რუსი დიპლომატების გადაადგილებაზე ქვეყნის შიგნით იმ მოტივით, რომ „რუსეთი აწარმოებს ჰიბრიდულ ომს ევროკავშირის წინააღმდეგ“.

პოლონეთის საგარეო საქმეთა მინისტრმა რადოსლავ სიკორსკიმ ბელგიის დედაქალაქ ბრიუსელში პრესისთვის გაკეთებულ განცხადებაში აღნიშნა, რომ მას აქვს მტკიცებულებები „ევროპის ქვეყნებში რუსეთის მოვლენების წარმართვის მცდელობების“ შესახებ და ყურადღება გაამახვილა „ევროკავშირის, მათ შორის პოლონეთის წინააღმდეგ რუსეთის ჰიბრიდულ ომზე“.

ამასთან დაკავშირებით, სიკორსკიმ განაცხადა, რომ მის ქვეყანაში რუსი დიპლომატებისთვის გადაადგილების შეზღუდვა დაწესდება და გადაწყვეტილების შესახებ ოფიციალური ინფორმაცია გადაეგზავნება დედაქალაქ ვარშავაში რუსეთის საელჩოს.

სიკორსკიმ აღნიშნა, რომ გადაადგილების შეზღუდვა ეხება საკონსულოსა და საელჩოს პერსონალს და არ გავრცელდება ვარშავაში რუსეთის ელჩზე.