გაერო ისრაელის თავდასხმას გმობს

გაეროს გენერალურმა მდივანმა ანტონიო გუტერეშმა დაგმო ისრაელის არმიის თავდასხმა იძულებით გადაადგილებულ პალესტინელთა ბანაკზე ქალაქ რაფაჰში.

გუტერეშმა სოციალური ქსელის პლატფორმა X-ზე ისრაელის მხრიდან ქალაქ რაფაჰში განხორციელებული თავდასხმა დაგმო და აღნიშნა: „ეს საშინელება უნდა დასრულდეს“.

ცნობისათვის, 26 მაისს ღაზას სექტორში, ქალაქ რაფაჰში, ისრაელის არმიის თავდასხმის შედეგად სულ მცირე 45 პალესტინელი დაიღუპა, მათ შორის უმეტესობა ქალები და ბავშვები.

თვითმხილველებმა განაცხადეს, რომ ისრაელის სამხედრო თვითმფრინავებმა ბანაკს სულ მცირე 8 რაკეტით შეუტიეს.