აშშ-ში ქარიშხალის შედეგად 11 ადამიანი დაიღუპა
აშშ-ში ქარიშხალის შედეგად 11 ადამიანი დაიღუპა
2144659
11 ადამიანი დაიღუპა ქარიშახლის შედეგად, რომელმაც დააზარალა აშშ-ში ტეხასის, ოკლაჰომასა და არკანზასის შტატები.
ტეხასის ქუქის რეგიონის შერიფმა რეი საპინგტონმა შტატში მომხდარი შტორმის შესახებ განცხადება გააკეთა.
მისი თქმით, დაღუპულთაგან 3 ერთი ოჯახის წევრები არიან და ქარიშხალის შედეგად ასევე ბევრი ადამიანი დაშავდა.
საპინგტონმა განაცხადა, რომ სამძებრო-სამაშველო სამუშაოები გრძელდება და არსებობს საშიშროება, რომ დაღუპულთა რიცხვი გაიზრდება.
უფლებამოსილთა თქმით, ტეხასის შტატში 7 ადამიანი დაიღუპა, 2 კი არკანზასისა და ოკლაჰომას შტატებში.
ხელისუფლებამ ასევე განაცხადა, რომ დაზიანდა ელექტროგადამცემი ხაზები და სახლები.