საფრანგეთმა უსაფრთხოებასთან დაკავშირებული განგაშის დონე აწია
საფრანგეთმა უსაფრთხოებასთან დაკავშირებული განგაშის დონე აწია
საფრანგეთმა, 22 მარტს რუსეთში, საკონცერტო დარბაზში განხორციელებული ტერორისტული თავდასხმის შემდეგ, რა დროსაც ბოლო მონაცემებით, დაღუპულთა რიცხვი 137-მდე გაიზარდა, უსაფრთხოების უმაღლესი დონე გამოცხადდა.
აღნიშნულის შესახებ ინფორმაცია, ქვეყნის პრემიერ-მინისტრმა, გაბრიელ ატალიმ სოციალური ქსელის პლატფორმა X-დან გაავრცელა.
„იმის გათვალისწინებით, რომ დაეშმა აიღო პასუხისმგებლობა თავდასხმაზე მოსკოვში, ჩვენ გადავწყვიტეთ ეროვნული უსაფრთხოების განგაშის სისტემა უმაღლეს დონეზე აგვემაღლებინა: თავდასხმის საგანგებო მდგომარეობით“, აცხადებს პრემიერ-მინისტრი სოციალური ქსელის მეშვეობით გავრცელებულ განცხადებაში.
შეგახსენებთ, რომ 2015 წელს საფრანგეთის დედაქალაქ პარიზში დაეშ-ის მიერ განხორციელებული თავდასხმების შედეგად 130 ადამიანი დაიღუპა. ამ ფაქტის შემდეგ ქვეყანაში საგანგებო მდგომარეობა გამოცხადდა, რომელიც თვეების განმავლობაში გრძელდებოდა.