მოსკოვში განხორციელებული თავდასხმის შედეგად დაღუპულთა რიცხვი გაიზარდა

რუსეთის დედაქალაქ მოსკოვში, „კროკუს სითი ჰოლზე“, 22 მარტს განხორციელებული თავდასხმის შედეგად დაღუპულთა რიცხვი 137-მდე გაიზარდა.

რუსეთის საგამოძიებო კომიტეტმა (SLEDCOM) განაცხადა, რომ თავდასხმის შედეგად დაღუპულთა რიცხვი 137-მდე გაიზარდა, რომელთაგან სამი ბავშვია.

მათივე განცხადებით, შემთხვევის ადგილზე გამოძიება გრძელდება და ამ დროისთვის იდენტიფიცირებულია 62 ცხედარი.

თავის მხრივ, თავდასხმაში დაკავებული 11 ეჭვმიტანილიდან 4 მოსკოვის ბასმანის რაიონული სასამართლოს მოსამართლეს წარუდგინეს.