ბაიდენმა აქტუალური საკითხები შეაფასა

ამერიკის შეერთებული შტატების პრეზიდენტმა ჯო ბაიდენმა განაცხადა, რომ რაფაჰი მისთვის "წითელი ხაზია" და რომ ისრაელის პრემიერ მინისტრი ბენიამინ ნეთანიაჰუ "ისრაელს უკვე უფრო მეტ ზიანს აყენებს, ვიდრე სიკეთეს".

აშშ-ის პრეზიდენტმა ბაიდენმა MSNBC-ის ერთ-ერთ გადაცემას ინტერვიუ მისცა და აქტუალური საკითხები შეაფასა.

ბაიდენმა თქვა, რომ ნეთანიაჰუს ღაზაზე თავდასხმებზე და ამ თავდასხმების შედეგად დაღუპულ 30 ათასზე მეტ მშვიდობიან მოქალაქეზე პასუხისმგებლობა მძიმეა და თქვა, რომ „ამდენი ადამიანის მოკვლა არ შეიძლება მხოლოდ ჰამასის კვალში ჩადგომით“.

კითხვაზე, "რა არის თქვენი წითელი ხაზი პრემიერ-მინისტრ ბენიამინ ნეთანიაჰუსთან დაკავშირებით? გაქვთ თუ არა წითელი ხაზი? მაგალითად, შეიძლება თუ არა რაფაჰის ოკუპაცია იყოს წითელი ხაზი?" - ბაიდენმა თქვა.

„ეს არის წითელი ხაზი, მაგრამ მე არასოდეს დავტოვებ ისრაელს, ისრაელის დაცვა ისევ კრიტიკული მნიშვნელობისაა“.  - უპასუხა ბაიდენმა.

მან ასევე დასძინა: „ნეთანიაჰუ ახლა უფრო მეტ ზიანს აყენებს ისრაელს, ვიდრე სიკეთეს“ და ხაზგასმით აღნიშნა, რომ ღაზაში დაღუპულთა რიცხვი ძალიან მაღალია და რომ ნეთანიაჰუს მთავრობამ „სერიოზულად უნდა გაამახვილოს ყურადღება იმაზე, თუ როგორ არ იყოს სამიზნე მშვიდობიანი მოსახლეობის სიცოცხლე“.