G7-ის ქვეყნების ლიდერები ვიდეოკონფერენციის საშუალებით შეხვედრას გამართავენ

გავრცელდა ინფორმაცია, რომ G7-ის ქვეყნების ლიდერები, რომელიც შედგება ამერიკის შეერთებული შტატების, გერმანიის, კანადის, საფრანგეთის, ინგლისის, იტალიისა და იაპონიისგან, 24 თებერვალს რუსეთ-უკრაინის ომის 2 წლისთავთან დაკავშირებით ვიდეოკონფერენციის საშუალებით შეხვედრას გამართავენ.

იტალიის პრემიერ-მინისტრის წერილობით განცხადებაში ნათქვამია, რომ დიდი შვიდეულის ლიდერები პირველ შეხვედრას იტალიის თავმჯდომარეობის პერიოდში ვიდეოკონფერენციის საშუალებით გამართავენ ომის მეორე წლისთავზე, რომელიც 2022 წლის 24 თებერვალს რუსეთის მიერ უკრაინაზე თავდასხმით დაიწყო.

შეხვედრას, რომელსაც იტალიის პრემიერ-მინისტრი ჯორჯია მელონი უხელმძღვანელებს, უკრაინის პრეზიდენტი ვოლოდიმირ ზელენსკი დაესწრება.

G7-ის ლიდერების პირისპირი სამიტი იტალიის თავმჯდომარეობით, 13-15 ივნისს გაიმართება ქვეყნის სამხრეთ-აღმოსავლეთით მდებარე პულიას რეგიონში.