წარმომადგენელთა პალატის წევრებმა ღაზაში ცეცხლის შეწყვეტა მოითხოვეს

ამერიკის შეერთებული შტატების წარმომადგენელთა პალატის წევრებმა დედაქალაქ ვაშინგტონში კონგრესის შენობის წინ პრესკონფერენცია გამართეს და „ღაზაში ცეცხლის შეწყვეტა“ მოითხოვეს.

კონგრესის შენობის წინ გაკეთებულ განცხადებაში, წარმომადგენელთა პალატის წევრებმა ყურადღება გაამახვილეს ღაზაში ჰუმანიტარულ დრამაზე და ცეცხლის შეწყვეტის რაც შეიძლება მალე დამყარების მნიშვნელობაზე.

აქ სიტყვით გამოსვლისას წარმომადგენელთა პალატის წევრმა ალექსანდრია ოკასიო-კორტესიმ თქვა: „ცეცხლის შეწყვეტა ნიშნავს უდანაშაულოების დაცვას. ჩვენ არ გვეშინია“.

სხვა წარმომადგენელმა კი სიტყვით გამოსვლის დროს განაცხადა, რომ ღაზაში 11 ათასზე მეტი ადამიანი დაიღუპა, რომელთაგან ორი მესამედი ქალები და ბავშვები იყვნენ.

შეგახსენებთ, რომ ჰამასის სამხედრო ფრთამ, „ალ-ყასამის ბრიგადამ“ 7 ოქტომბერს გამოაცხადა, რომ დაიწყო ყოვლისმომცველი შეტევა ისრაელზე, სახელწოდებით „ალ-აქსას წარღვნა“. მაშინ, როცა ღაზადან ისრაელის მიმართულებით ათასობით რაკეტა გაისროლეს და შეიარაღებული ჯგუფები შევიდნენ რეგიონის დასახლებებში.

ისრაელის არმიამ ასევე განაცხადა, რომ სამხედრო თვითმფრინავებით დაიწყო ღაზას სექტორის წინააღმდეგ „რკინის ხმლების“ ოპერაცია.

დაძაბულობის ესკალაციისას ათასობით დაღუპულია ორივე მხრიდან.