აშშ-ს სახელმწიფო მდივანი თურქეთში ჩამოდის

აშშ-ის სახელმწიფო მდივანი, ენტონი ბლინკენი თურქეთში ჩამოდის.

დიპლომატიური წყაროებიდან მოპოვებული ინფორმაციით, აშშ-ის სახელმწიფო მდივანი ენტონი ბლინკენი კვირას, 5 ნოემბერს ანკარაში ჩამოვა.

ენტონი ბლინკენი ანკარაში, საგარეო საქმეთა მინისტრს, ჰაქან ფიდანს შეხვდება და ამ შეხვედრაზე განიხილება ისრაელის ხოცვა-ჟლეტა პალესტინაში.

შეგახსენებთ, რომ ენტონი ბლინკენ-ჰაქან ფიდანს შორის ბოლოს სატელეფონო საუბარი, 30 ოქტომბერს გაიმართა.

მინისტრმა ფიდანმა სატელეფონო საუბარში ხაზგასმით აღნიშნა, რომ მიუღებელია ისრაელის მხრიდან ღაზაში მყოფი ხალხის განურჩევლად დაბომბვა.