პრეზიდენტი ერდოღანი ერთდღიანი სამუშაო ვიზიტით გუშინ ნახიჩევანში იმყოფებოდა

პრეზიდენტი რეჯეფ თაიფ ერდოღანი აზერბაიჯანის პრეზიდენტის ილჰამ ალიევის მიწვევით ერთდღიანი სამუშაო ვიზიტით გუშინ ნახიჩევანში იმყოფებოდა.

პრეზიდენტ ერდოღანს ალიევი ნახიჩევანის აეროპორტში ოფიციალური ცერემონიით დახვდა.

შემდეგ, ორმა ლიდერმა ავტონომიური რესპუბლიკის უმაღლეს საჭოში პირისპირი შეხვედრა გამართა.

შეხვედრაზე განიხილეს აქტუალური, რეგიონული და გლობალური საკითხები, თურქეთ-აზერბაიჯანის ურთიერთობების და ყარაბაღის ბოლო მოვლენების თაოსნობით.

მოგვიანებით ერდოღანმა და ალიევმა საძირკველი ჩაუყარეს იღდირ-ნახიჩევანის ბუნებრივი აირის მილსადენის მშენებლობას.

ლიდერების თანდასწრებით ორ ქვეყანას შორის სხვადასხვა სფეროში 3 ხელშეკრულება გაფორმდა.

შემდეგ ლიდერებმა ერთობლივი პრესკონფერენცია გამართეს.

„იღდირ-ნახიჩევანის ბუნებრივი აირის მილსადენის პროექტი კიდევ უფრო გააღრმავებს ჩვენს პარტნიორობას აზერბაიჯანთან ენერგეტიკის სფეროში და ასევე ხელს შეუწყობს ევროპის ენერგომომარაგების უსაფრთხოებას“. - განაცხადა თურქეთის პრეზდენტმა.

გასულ კვირას ყარაბაღში ჩატარებულ ანტიტერორისტულ ოპერაციასთან დაკავშირებით ერდოღანმა განაცხადა, რომ სომხეთის შეიარაღებული დაჯგუფებების წინააღმდეგ აზერბაიჯანის ბოლო გამარჯვებით, ახალი შესაძლებლობების ფანჯარა გაიხსნა რეგიონში ყოვლისმომცველი ნორმალიზაციისთვის და დაამატა: „ჩვენ ველით, რომ სომხეთი მასთვის გაშლილ მშვიდობის ხელს ხელს გაუწვდის და გადადგამს გულწრფელ ნაბიჯებს“.

„თურქეთთან ერთმანეთის მხარდაჭერით ჩვენ რეგიონულ საკითხებს სწორი მიმართულებით ვატარებთ. გვინდა, რომ რეგიონში იყოს მშვიდობა და სტაბილურობა და არა ომი“. - განაცხადა ალიევმა.

ერდოღანმა და ალიევმა ნახიჩევანის სამხედრო კომპლექსიც გახსნეს.

ლიდერებმა კომპლექსი ლენტის გაჭრით გახსნეს და შემდეგ სამხედრო კომპლექსი დაათვალიერეს.