ორბანი: „შვედეთის უსაფრთხოებას საფრთხე არ ემუქრება“

უნგრეთის პრემიერ-მინისტრმა ვიქტორ ორბანმა განაცხადა, რომ  შვედეთის ნატოში გაწევრიანების საკითხზე არ უნდა იჩქარონ.

უნგრეთის პარლამენტში სიტყვით გამოსვლისას ორბანმა თქვა: „შვედეთის უსაფრთხოებას საფრთხე არ ემუქრება“.

შეგახსენებთ, რომ უნგრეთმა ივნისში გამოაცხადა, რომ შვედეთის ნატოში გაწევრიანების დამტკიცების სესია შემოდგომამდე გადაიდო.

2022 წლის 24 თებერვალს, რუსეთ-უკრაინის ომის დაწყების შემდეგ, ფინეთმა და შვედეთმა დაასრულეს ათწლეულების მანძილზე „სამხედრო ნეიტრალიტეტის“ პოლიტიკა.

აღნიშნულმა ქვეყნებმა, ნატოში გაწევრიანებაზე განაცხადი გასული წლის მაისში შეიტანა, ფინეთი კი, რომელმაც თურქეთის წინაშე აღებული ვალდებულებები შეასრულა, 4 აპრილს ნატოს 31-ე წევრი გახდა.