ბრაზილიაში ტროპიკული ქარიშხალის შედეგად დაღუპულთა რიცხვი 40-მდე გაიზარდა
ბრაზილიაში ტროპიკული ქარიშხალის შედეგად დაღუპულთა რიცხვი 40-მდე გაიზარდა
ბრაზილიაში ტროპიკული ქარიშხალის შედეგად დაღუპულთა რიცხვი 40-მდე გაიზარდა
ბრაზილიის სამხრეთ რეგიონში კვირის ბოლოდან გავრცელებული ტროპიკული ქარიშხალის შედეგად დაღუპულთა რიცხვი 40-მდე გაიზარდა.
რეგიონის გუბერნატორმა ედუარდო ლეიტემ პრესკონფერენციაზე განაცხადა, რომ სამძებრო-სამაშველო სამუშაოები კონცენტრირებულია მდინარე პარდოს ხეობაში და რომ შესაძლოა დაღუპულთა რიცხვი გაიზარდოს.
ლეიტემ აღნიშნა, რომ შაბათ-კვირის შემდეგ ტროპიკული ქარიშხალის შედეგად გამოწვეულ მეწყერსა და წყალდიდობებს 40 ადამიანი ემსხვერპლა, ხოლო სამძებრო-სამაშველო სამუშაოები გრძელდება რიო გრანდე-დუ სულის რეგიონში, რომელშიც 900-ზე მეტი ადამიანი იღებს მონაწილეობას.
გუბერნატორმა სტიქიის ზონა დაათვალიერა და აღნიშნა, რომ სავარაუდოდ 9 ადამიანია დაკარგული.
ხელისუფლებამ გამოაცხადა, რომ რიო გრანდე-დუ სულის რეგიონის 67 ქალაქი დაზარალდა ძლიერი ქარიშხლებითა და წყალდიდობით, 1650 ადამიანი დარჩა უსახლკაროდ და 3 ათასზე მეტი ადამიანი დროებით უსაფრთხო ადგილას წავიდა.
ბრაზილიის პრეზიდენტმა ლუის ინასიო ლულა და სილვამ მიუსამძიმრა ქარიშხლის გამო დაღუპულთა ოჯახებს და თქვა: „ჩვენ ყველა ღონეს ვიხმართ ხალხის დასახმარებლად“.
წლის დასაწყისიდან ბრაზილიაში ძლიერი წვიმის შედეგად გამოწვეულ წყალდიდობასა და მეწყერს მრავალი ადამიანი შეეწირა, ათასობით ადამიანი კი უსახლკაროდ დარჩა.
მსგავსი ინფორმაციები
ულფ კრისტერსონმა განაცხადა, რომ შვედეთმა დაასრულა ინტეგრაცია ნატოში
ულფ კრისტერსონმა განაცხადა, რომ შვედეთმა დაასრულა ინტეგრაცია ნატოში
პოლონეთის საგარეო საქმეთა სამინისტრო: რუსეთს ჩვენი უნდა ეშინოდეს
პოლონეთის საგარეო საქმეთა სამინისტრო: რუსეთს ჩვენი უნდა ეშინოდეს