ლიეტუვის მთავრობამ მიიღო გადაწყვეტილება ბელარუსთან სასაზღვრო პუნქტები 18 აგვისტოდან დაკეტოს

ლიეტუვის მთავრობამ მიიღო გადაწყვეტილება ბელარუსთან ტვერეციუსისა და სუმსკასის სასაზღვრო პუნქტები 18 აგვისტოდან დაკეტოს.

ლიეტუვის ეროვნული ტელე-რადიო მაუწყებლობის (LRT) ცნობით, საზღვრების სრული ჩაკეტვის შესახებ დეტალები პოლონეთში განიხილება.

ლიეტუვის შინაგან საქმეთა მინისტრმა აგნე ბილოტაიტემ განაცხადა, რომ ბალტიისპირეთის ქვეყნებმა და პოლონეთმა განიხილეს ბელარუსთან საზღვრების სრული დაკეტვის შესაძლებლობა და რომ დეტალები 28 აგვისტოს გახდება ცნობილი.

ლიეტუვის ეროვნული ტელე-რადიო მაუწყებლობის  ცნობით, ლიეტუვის მთავრობამ მიიღო გადაწყვეტილება ბელარუსთან ტვერეციუსისა და სუმსკასის სასაზღვრო პუნქტები 18 აგვისტოდან დაკეტოს.

ბელარუსიასთან დარჩენილი ოთხი სასაზღვრო გამშვები პუნქტი, მედინინკაი, ლავორისკესი, რაიგარდასი და სალჩინინკაი ღია დარჩება.

აღნიშნული გადაწყვეტილება მიღებულ იქნა იმ პირობებში, როდესაც რუსეთთან დაკავშირებული დაქირავებული ჯგუფის ვაგნერის ბელარუსში ყოფნის გამო შეშფოთება იზრდება.