პოლონეთის პრეზიდენტმა დუდამ საკამათო „რუსული გავლენის“ კანონში ცვლილებები დაამტკიცა

პოლონეთის პრეზიდენტმა ანჯეი დუდამ, პოლონეთის მთავრობაზე რუსეთის გავლენის შესახებ ბრალდებების გამოსაძიებლად სპეციალური კომისიის შესაქმნელად კანონში ცვლილებები დაამტკიცა.

რუსეთის მიერ პოლონეთის შიდა უსაფრთხოებაში 2007-2022 წლებში ჩარევის გამოსაკვლევად სახელმწიფო კომისიის შექმნის კანონი ძალაში 31 მაისს შევიდა.

განსახილველი კანონის თანახმად, შესაქმნელი კომისიით პოლიტიკოსებს, რომლებიც დადგინდება, რომ მოქმედებდნენ რუსეთის გავლენის ქვეშ, შეიძლება აეკრძალათ საჯარო სამსახურში მუშაობა.

კანონი განიხილება, როგორც ინსტრუმენტი ოპოზიციის ლიდერის დონალდ ტუსკის შემოდგომის საპარლამენტო არჩევნებში მონაწილეობის თავიდან ასაცილებლად და ოპოზიცია მკაცრად აკრიტიკებს.

პრეზიდენტმა დუდამ კანონის ეროვნული და საერთაშორისო კრიტიკის საპასუხოდ, 2 ივნისს შესთავაზა შესწორება კომისიის დამფუძნებელ კანონში, რომელშიც ნათქვამია, რომ ახალი საგამოძიებო ორგანოში არ უნდა შევიდეს დეპუტატები და რომ კანონის ყველაზე საკამათო ნაწილი, საჯარო თანამდებობის აკრძალვის უფლება, უნდა გაუქმდეს.

დუდამ გუშინ დაამტკიცა ცვლილებები კანონში, რომელიც მოიცავს სპეციალური კომისიის შექმნას პოლონეთის მთავრობებზე რუსეთის გავლენის შესახებ ბრალდებების გამოსაძიებლად.

პოლონეთის პარლამენტის ქვედა პალატამ, სეიმმა, 28 ივლისს 235 ხმით 214 წინააღმდეგ, სენატის წინააღმდეგობის მიუხედავად, კანონპროექტი დაამტკიცა.