იაპონია უკრაინას მილიარდობით დოლარის დახმარებას გაუწევს

იაპონიის მთავრობამ პირობა დადო, რომ უკრაინას, სადაც რუსეთი აგრძელებს თავდასხმებს, 7,6 მილიარდი დოლარის დახმარებას გაუწევს.

იაპონიის საგარეო საქმეთა მინისტრი იოშიმასა ჰაიაში ბრიუსელში ვიზიტის ფარგლებში უკრაინის საგარეო საქმეთა მინისტრს დიმიტრო კულებას შეხვდა.

მინისტრმა ჰაიაშიმ განაცხადა, რომ იაპონიის მთავრობამ აიღო ვალდებულება გამოუყოს 7,6 მილიარდი დოლარის დახმარება უკრაინას სხვადასხვა სექტორში, სადაც რუსეთი აგრძელებს თავდასხმებს.

თავის მხრივ, იაპონიის პრემიერ-მინისტრმა, რომელიც მაისში G7-ის ლიდერთა სამიტს უმასპინძლებს, უკრაინის პრეზიდენტი ვოლოდიმირ ზელენსკი სამიტზე ონლაინ დასასწრებად მიიწვია.