კიევში გამთენიისას აფეთქებების ხმა ისმოდა

უკრაინის დედაქალაქის კიევის მერმა ვიტალი კლიჩკომ განაცხადა, რომ გამთენიისას დედაქალაქის ზოგიერთ რაიონში აფეთქებების ხმა გაისმა.

Telegram-ით გაკეთებულ განცხადებაში კლიჩკომ თქვა, რომ ქალაქში აფეთქებები მოხდა და დაამატა: „აფეთქებების ხმა ისმოდა დედაქალაქის სოლომიანსკისა და შევჩენკოვსკის რაიონებში“.

მანვე ხაზგასმით აღნიშნა, რომ კიევში კრიტიკული ინფრასტრუქტურის ობიექტები თავდასხმების შედეგად დაზიანდა.

"კიევში მსხვერპლი არ არის. სამედიცინო პერსონალი და სამაშველო ჯგუფები აგრძელებენ მუშაობას“. - თქვა კიევის მერმა.

კიევის რეგიონალური სამხედრო ადმინისტრაციის ხელმძღვანელმა ოლექსი კულებამ სოციალურ ქსელში ასევე აღნიშნა, რომ რუსულმა ძალებმა დილით უპილოტო საფრენი აპარატებით კიევის წინააღმდეგ თავდასხმები განახორციელეს.