იონას გაჰრ შტორმა განაცხადა, რომ თურქეთს აქვს უფლება ებრძოლოს ტერორისტებს

ნორვეგიის პრემიერ-მინისტრმა იონას გაჰრ შტორმა განაცხადა, რომ თურქეთს აქვს უფლება ებრძოლოს ტერორისტებს. მან ამის შესახებ, გერმანიის დედაქალაქ ბერლინში კანცლერ, ოლაფ შოლცთან გამართული პირისპირი შეხვედრის შემდეგ ერთობლივი პრესკონფერენციის დროს განაცხადა.

პრესკონფერენციის დროს, ერთ-ერთმა ჟურნალისტმა შტორმს, თურქეთის მხრიდან საზღვრებს მიღმა განხორციელებული ოპერაციების შესახებ დაუსვა კითხვა, რაზეც მან ასეთი პასუხი გასცა: „როდესაც არის საფრთხე, თურქეთს  აქვს უფლება ებრძოლოს ტერორიზმს.“

მან, შვედეთისა და ფინეთის ნატოში გაწევრიანების პროცესიც შეაფასა და აღნიშნა, რომ ამ ქვეყნების ნატოში გაწევრიანება, ევროპის კოლექტიური უსაფრთხოებისთვის მნიშვნელოვანია.