ტრამპი 2024 წლის არჩევნებში პრეზიდენტობისთვის იბრძოლებს

ამერიკის შეერთებული შტატების ექს-პრეზიდენტმა, დონალდ ტრამპმა განაცხადა, რომ 2024 წლის საპრეზიდენტო არჩევნებზე თავის კანდიდატურას წამოაყენებს. ტრამპმა ამის შესახებ, ფლორიდაში, პალმ ბიჩში, მარ-ა-ლაგოს სასახლეში, ადგილობრივი დროით 21:00 საათზე კამერების წინ განაცხადა. დონალდ ტრამპმა საკუთარი კანდიდატურა ამ სიტყვებით წამოაყენა: „ამერიკის დაბრუნება ახლა იწყება“.

ტრამპმა განაცხადა, რომ მისი მმართველობის პერიოდში ეკონომიკა უპრეცედენტო გზით გაუმჯობესდა და რომ ჩინეთი, რუსეთი, ირანი და ჩრდილოეთ კორეა პატივს სცემდნენ აშშ-ს.

ტრამპი ამტკიცებს, რომ ჯო ბაიდენის დროს ქვეყანა დაკნინდებოდა რა, მან ბაიდენის ადმინისტრაციის საგარეო პოლიტიკა ამ სიტყვებით გააკრიტიკა: „მილიონობით ამერიკელისთვის, ჯო ბაიდენის მმართველობის ბოლო ორი წელი იყო ტკივილი, გაჭირვება, შფოთვა და სასოწარკვეთა. შეერთებული შტატები იყო დამცირებული, შერცხვენილი და დასუსტებული. მე რომ პრეზიდენტი ვყოფილიყავი, უკრაინის კრიზისი არ მოხდებოდა. იმისთვის, რომ ამერიკა კვლავ დიდებული გავხადო, ვაცხადებ ჩემს კანდიდატურას შეერთებული შტატების მომავალი პრეზიდენტის პოსტზე“.