ესტონეთის პარლამენტმა რუსეთი "ტერორისტულ სახელმწიფოდ" გამოაცხადა

ესტონეთის პარლამენტმა რუსეთი "ტერორისტულ სახელმწიფოდ" გამოაცხადა.

პარლამენტში გაკეთებულ განცხადებაში ნათქვამია: „ესტონეთის პარლამენტი მხარს უჭერს უკრაინის პარლამენტისა და საერთაშორისო ორგანიზაციების მოწოდებას და აცხადებს რუსეთის რეჟიმს, ტერორისტულ რეჟიმად, რომლის ქმედებები ერთობლივად უნდა იქნას მოგერიებული და რუსეთის ფედერაციას ტერორიზმის დამფინანსებლად“.

განცხადებაში საერთაშორისო თანამეგობრობას მსგავსი გადაწყვეტილებების მიღებისკენ მოუწოდეს.

ამრიგად, ლიეტუვისა და ლატვიის შემდეგ, ესტონეთი გახდა ბალტიისპირეთის მესამე ქვეყანა, რომლის პარლამენტმაც რუსეთი ტერორისტულ სახელმწიფოდ გამოაცხადა.

რეზოლუციას მხარი 101 დეპუტატიდან 88-მ დაუჭირა, კენჭისყრაში მონაწილეობა არ მიიღო 10-მა, ხოლო 3-მა თავი შეიკავა.