დიდ ბრიტანეთს ახალი პრემიერი ჰყავს

ბრიტანეთში, მმართველი კონსერვატიული პარტიის ხელმძღვანელად არჩეული ლიზ ტრასი ქვეყნის ახალი პრემიერ-მინისტრი გახდა.

სერ გრაჰამ ბრეიდიმ, „1922 კომიტეტის“ თავმჯდომარემ, ორგანო, რომელიც ახორციელებს პარტიაში ლიდერის არჩევისა და გათავისუფლების პროცესებს, გამოაცხადა პარტიის წევრების კენჭისყრის შედეგები დედაქალაქ ლონდონში მდებარე დედოფალ ელიზაბეტ II-ის საკონფერენციო ცენტრში.

მის მიხედვით, კენჭისყრაში ლიზ ტრასმა 81 ათას 326 ხმა მიიღო, მისი კონკურენტმა რიში სუნაკმა კი 60 ათას 399.

ამრიგად, ტრასი, რომელმაც გაიმარჯვა მმართველი კონსერვატიული პარტიის ლიდერობისთვის რბოლაში, ასევე ქვეყნის ახალი პრემიერ-მინისტრი გახდა.

პრემიერ-მინისტრი ბორის ჯონსონი გადადგომის განცხადებას ხვალ გადასცემს დედოფალ ელიზაბეტ II-ს, რომელიც შვებულებას შოტლანდიაში მდებარე ბალმორალის რეზიდენციაში ატარებს, რის შემდეგაც ტრასი დედოფლისგან მიიღებს მანდატს ახალი მთავრობის ფორმირებისთვის.

დედოფალთან შეხვედრის შემდეგ ახალი-პრემიერ მინისტრი ტრასი დაბრუნდება დედაქალაქ ლონდონში, სადაც სიტყვით გამოვა. იგი ასევე, სავარაუდოდ, ხვალ გამოაცხადებს ახალ მინისტრთა კაბინეტს.