ჯონსონის კონსერვატიული პარტიის ლიდერობაზე უნდობლობის გამოცხადების საკითხზე კანჭისყრა  გაიმართება

დიდ ბრიტანეთში პრემიერ-მინისტრ ბორის ჯონსონის კონსერვატიული პარტიის ხელმძღვანელობაზე უნდობლობის გამოცხადების საკითხზე კანჭისყრა  გაიმართება.

კონსერვატიული პარტიის წარმომადგენელთა „კომიტეტი 1922“-ის თავმჯდომარემ, გრაჰამ ბრედლიმ განცხადებაში აღნიშნა, რომ უნდობლობის კენჭისყის გამართვის მოთხოვნისთვის საჭირო 54 ხელმოწერა შეგროვდა.

ბრედლიმ განაცხადა, რომ უნდობლობის საკითხზე კენჭისყრა გაიმართება დღეს საღამოს 18:00-დან 20:00 საათამდე (ადგილობრივი დროით) და შედეგი მალევე გახდება ცნობილი.

ჯონსონს პარტიის 180 დეპუტატის მხარდაჭერა სჭირდება გამარჯვებისთვის. ეს დეპუტატების 50 პროცენტზე ერთით მეტს ნიშნავს.

თუ ის კენჭისყრაში წააგებს, ჯონსონს მოუწევს პრემიერ-მინისტრის თანამდებობის დატოვება და მალევე დაიწყება ლიდერობისთვის ბრძოლა. ჯონსონი ამ ბრძოლაში მონაწილეობას ვერ მიიღებს.

ჯონსონს, პრემიერ-მინისტრის 10 ნომერ ოფისში კოვიდ-19-ის ეპიდემიის დროს კარანტინის წესების დარღვევით წვეულებების ორგანიზებისთვის აკრიტიკებდნენ. ბორის ჯონსონი, რომელიც ასევე დააჯარიმეს ერთ-ერთი ამ წვეულებისთვის, მისი პარტიის ზოგიერთმა დეპუტატმა და ოპოზიციამ პარლამენტის მოტყუებაში დაადანაშაულა.