აშშ მიესალმება პრეზიდენტ ერდოღანისა და ისრაელის პრეზიდენტის ჰერცოგის შეხვედრას

გაეროში ამერიკის შეერთებული შტატების ელჩმა ლინდა თომას-გრინფილდმა განაცხადა, რომ ისინი მიესალმებიან პრეზიდენტ რეჯეფ თაიფ ერდოღანისა და ისრაელის პრეზიდენტის იცხაკ ჰერცოგის შეხვედრას.

თომას-გრინფილდმა გაეროს უშიშროების საბჭოსთვის გამართულ ბრიფინგზე გამოხატა ამერიკის კმაყოფილება ისრაელის მიერ მეზობლებთან ურთიერთობების გაფართოებითა და ნორმალიზებით.

„ჩვენ მივესალმებით ანკარაში თურქეთის პრეზიდენტ ერდოღანსა და ისრაელის პრეზიდენტ ჰერცოგს შორის გამართულ შეხვედრას.“ - თქვა ელჩმა და დაამატა: „ეს ვიზიტები კეთილგანწყობის ჟესტია, შეუძლია ურთიერთნდობის დამყარება და უსაფრთხოებისა და კეთილდღეობის შექმნა (რეგიონში).“

ისრაელის პრეზიდენტი იცხაკ ჰერცოგი 9 მარტს ოფიციალური ვიზიტით დედაქალაქ ანკარას ეწვია.