რუსეთსა და უკრაინას შორის მოლაპარაკებების მეორე რაუნდი ხვალ გაიმართება

ცნობილი გახდა, რომ რუსეთსა და უკრაინას შორის მოლაპარაკებების მეორე რაუნდი ხვალ გაიმართება.

რუსეთის სახელმწიფო საინფორმაციო სააგენტო TASS-მა განაცხადა, რომ რუსეთსა და უკრაინას შორის მოლაპარაკებები ხვალ გაგრძელდება.

შეგახსენებთ, რომ რუსეთ-უკრაინას შორის პირველი შეხვედრა გუშინ, უკრაინა-ბელარუსის საზღვარზე, მდინარე პრიპიატის რეგიონში გაიმართა.

6 საათიანი მოლაპარაკებების შემდეგ უკრაინის პრეზიდენტმა, ვოლოდიმირ ზელენსკიმ სოციალური ქსელის მეშვეობით გავრცელებულ განცხადებაში აღნიშნა, რომ რუსეთთან მოლაპარაკებებში სასურველ შედეგს ვერ მიაღწიეს.

ცნობისათვის, რუსეთმა უკრაინის წინააღმდეგ სამხედრო ინტერვენცია 24 თებერვალს დაიწყო.