ბაიდენმა და მაკრონმა სატელეფონო საუბარი გამართეს

ამერიკის შეერთებული შტატების პრეზიდენტმა ჯო ბაიდენმა და მისმა ფრანგმა კოლეგამ ემანუელ მაკრონმა განიხილეს დაძაბულობა, რომელიც გამოწვეულია რუსეთის სამხედრო ძალების უკრაინის საზღვარზე მობილიზებით.

„ლიდერებმა განიხილეს დიპლომატიური და შემაკავებელი მცდელობები რუსეთის მიერ უკრაინის საზღვარზე მიმდინარე სამხედრო ძალების გაძლიერების წინააღმდეგ.“ - ნათქვამია თეთრი სახლის განცხადებაში.

იქვე აღნიშნულია, რომ ლიდერები, რომლებმაც უკრაინის სუვერენიტეტისა და ტერიტორიული მთლიანობის მხარდაჭერის მნიშვნელობას ხაზი გაუსვეს, შეთანხმდნენ გააგრძელონ კონსულტაციები უკრაინასთან, მის მოკავშირეებთან და პარტნიორებთან.